மக்கள் செல்வன்
ஆரம்ப கட்டத்தில் பல திரைப்படங்களில் சிறு சிறு கதாபாத்திரங்களில் நடித்து வந்த விஜய் சேதுபதி தனது கடும் உழைப்பினால் தற்போது மக்கள் செல்வனாக வலம் வருகிறார். அவரின் வளர்ச்சி பல ரசிகர்களை ஓ போட வைத்துள்ளது. அவரது சிறப்பான நடிப்பில் சமீபத்தில் வெளிவந்த “விடுதலை 2” திரைப்படம் ரசிகர்களிடையே நல்ல வரவேற்பை பெற்றுள்ளது.
“விடுதலை 2” திரைப்படத்தை தொடர்ந்து விஜய் சேதுபதி “காந்தி டாக்ஸ்” என்ற மௌன திரைப்படத்தில் நடித்துள்ளார். இத்திரைப்படத்தின் வெளியீடு தாமதமாகிக்கொண்டே போகிறது. இதனை தொடர்ந்து “Ace”, மிஷ்கின் இயக்கும் “டிரைன்” ஆகிய திரைப்படங்களில் விஜய் சேதுபதி நடித்து வருகிறார்.

நயன்தாரா தயாரிப்பு… ஹரி இயக்கம்….
இந்த நிலையில் விஜய் சேதுபதி அடுத்ததாக இயக்குனர் ஹரியுடன் கைக்கோர்க்கவுள்ளதாக ஒரு தகவல் வெளியாகவுள்ளது. அத்திரைப்படத்தை நயன்தாரா தயாரிக்க உள்ளதாகவும் ஒரு ஆச்சரிய தகவல் வெளிவந்துள்ளது. இயக்குனர் ஹரி, “ஐயா” திரைப்படத்தின் மூலம் நயன்தாராவை தமிழ் சினிமாவிற்கு அறிமுகப்படுத்தியவர் என்பது குறிப்பிடத்தக்கது.