சுமாரான வரவேற்பு
கடந்த ஆண்டு டிசம்பர் மாதம் வெற்றிமாறன் இயக்கத்தில் விஜய் சேதுபதி, சூரி, மஞ்சு வாரியர், கௌதம் மேனன், ராஜீவ் மேனன் உள்ளிட்ட பலரது நடிப்பில் வெளியான திரைப்படம் “விடுதலை 2”. இத்திரைப்படம் திரையரங்குகளில் வெளியான சமயத்தில் ரசிகர்களிடையே சுமாரான வரவேற்பையே பெற்றது. எனினும் இத்திரைப்படத்தில் பேசப்பட்ட புரட்சிகர கருத்தோடு ஒத்த கருத்துடைய பலர் இத்திரைப்படத்தை கொண்டாடினர்.

3 மணி நேர “விடுதலை”
இந்த நிலையில் 3 மணி நேரம் 45 நிமிடங்கள் ஓடக்கூடிய “விடுதலை 2” திரைப்படத்தின் புதிய வெர்ஷனை அமேசான் பிரைம் ஓடிடி தளத்தில் வெளியிட படக்குழு திட்டமிட்டு வருகிறது. இத்திரைப்படம் திரையரங்குகளில் வெளியானபோது 2 மணி நேரம் 51 நிமிடங்கள் ஓடக்கூடிய திரைப்படமாக இருந்தது குறிப்பிடத்தக்கது.