வெற்றிமாறன்-தனுஷ் காம்போ
வெற்றிமாறன்-தனுஷ் காம்போ தமிழ் சினிமா ரசிகர்களால் அதிகம் விரும்பப்படுகிற காம்போ ஆகும். இந்த காம்போவில் உருவான “பொல்லாதவன்”, “ஆடுகளம்”, “வடசென்னை”, “அசுரன்” போன்ற திரைப்படங்களுக்கு அதிகளவு வரவேற்பு கிடைத்தது. இதனை தொடர்ந்து “வடசென்னை பார்ட் 2” திரைப்படம் எப்போது உருவாகும் என ரசிகர்கள் வெறித்தனமாக காத்துக்கொண்டிருக்கும் வேளையில் ரசிகர்களுக்கு ஒரு அதிர்ச்சி தகவல் வெளிவந்துள்ளது.

கைமாறிய வடசென்னை 2

அதாவது “வடசென்னை 2” திரைப்படத்தை வெற்றிமாறனின் உதவி இயக்குனர் ஒருவர் இயக்கவுள்ளாராம். அதுமட்டுமல்லாது இத்திரைப்படத்தில் தனுஷ் நடிக்கப்போவதில்லையாம். “குட் நைட்”, “குடும்பஸ்தன்” போன்ற திரைப்படங்களின் மூலம் தற்போது தமிழ் சினிமாவின் முன்னணி நடிகராக வளர்ந்து வரும் மணிகண்டன் “வடசென்னை பார்ட் 2” திரைப்படத்தில் ஹீரோவாக நடிக்க உள்ளாராம். இவ்வாறு ஒரு அதிர்ச்சி தகவல் வெளிவந்துள்ளது. ஆனால் இது அதிகாரப்பூர்வமான தகவல் இல்லை என்பது இதில் குறிப்பிடத்தக்கது.