தக் லைஃப்
இயக்குனர் மணிரத்னம் கமல்ஹாசனை வைத்து இயக்கியுள்ள “தக் லைஃப்” திரைப்படத்தில் சிம்பு நடித்துள்ளார். இத்திரைப்படத்தை தொடர்ந்து “பார்க்கிங்” இயக்குனர் ராம்குமார் பாலகிருஷ்ணன் இயக்கத்தில் சிம்பு நடிக்க உள்ளதாக கூறப்படுகிறது. அதனை தொடர்ந்து அஸ்வத் மாரிமுத்து இயக்கத்தில் சிம்பு ஒரு படம் நடிக்க உள்ளார்.

இது ஒரு பக்கம் இருக்க தேசிங்கு பெரியசாமி இயக்கத்தில் சிம்பு நடிப்பதாக அறிவிக்கப்பட்டிருந்த “STR 48” திரைப்படத்தின் படப்பிடிப்பு குறித்து எந்த அப்டேட்டும் வெளிவரவில்லை’ இத்திரைப்படத்தை கமல்ஹாசன் தயாரிப்பதாக முதலில் அறிவிக்கப்பட்டது. ஆனால் அதன் பின் இத்திரைப்படம் வேறு ஒரு துபாய் தயாரிப்பாளரிடம் கைமாறியதாக கூறப்பட்டது.எனினும் இத்திரைப்படத்தின் படப்பிடிப்பு எப்போது துவங்கும் என்ற தகவல் இதுவரை வெளிவரவில்லை.
50 கோடி
இந்த நிலையில் சிம்பு இனி திரைப்படங்களில் நடிக்க ரூ.50 கோடி சம்பளம் கேட்பதாக கூறப்படுகிறதாம். இதனால் தயாரிப்பாளர்கள் அதிர்ச்சியில் உள்ளதாக தகவல்கள் தெரிவிக்கின்றன.