ஒரு வழியாக திரைக்கு வரும் பிசாசு 2 திரைப்படம்! இத்தனை வருஷமா இழுக்குறது?

பிசாசு 2

மிஷ்கின் இயக்கத்தில் கடந்த 2014 ஆம் ஆண்டு வெளிவந்த ஹாரர் திரைப்படம் “பிசாசு”. இத்திரைப்படம் ரசிகர்களிடையே அமோக வரவேற்பு பெற்றது. இத்திரைப்படத்தை தொடர்ந்து “பிசாசு 2” திரைப்படம் இரண்டு ஆண்டுகளுக்கு முன்பு உருவானது. இதில் ஆண்ட்ரியா, விஜய் சேதுபதி, பூர்ணா உள்ளிட்ட பலரும் நடித்துள்ளனர். இத்திரைப்படத்தின் டீசர் இரண்டு ஆண்டுகளுக்கு முன்பே வெளிவந்தது. ஆனாலும் இத்திரைப்படத்தின் வெளியீடு தள்ளிப்போய்கொண்டே இருந்தது.

பிசாசு 2 விரைவில்…..

இந்த நிலையில் இரண்டு வருடங்கள் கழித்து தற்போது “பிசாசு 2” திரைப்படம் திரைக்கு வர தயாராக உள்ளதாக ஒரு தகவல் வெளிவந்துள்ளது. அதாவது 2025 ஆம் ஆண்டு மார்ச் மாதம் இத்திரைப்படம் வெளிவரவுள்ளதாக கூறப்படுகிறது. இத்திரைப்படத்தை ராக்ஃபோர்ட் என்டெர்டெயிண்மென்ட் சார்பாக முருகானந்தம் தயாரித்துள்ளார். கார்த்திக் ராஜா இத்திரைப்படத்திற்கு இசையமைத்துள்ளார். இத்திரைப்படத்தின் தயாரிப்பு நிறுவனம் சந்தித்த பல சிக்கல்கள் காரணமாக இத்திரைப்படம் வெளிவராமல் இருந்தது குறிப்பிடத்தக்கது.

எல்லோரும் இணையும்போது பலம் கூடுது- ரம்யா கிருஷ்ணன், ஜோதிகா ஆகியோருடன் திரிஷா வெளியிட்ட உருக்கமான வீடியோ…