LCU
லோகேஷ் கனகராஜ் “LCU” என்ற சினிமாட்டிக் யுனிவர்ஸை உருவாக்கி அதில் பல திரைப்படங்களை இயக்கி வருகிறார். தற்போது வரை “கைதி”, “விக்ரம்”, “லியோ” போன்ற திரைப்படங்கள் சினிமாட்டிக் யுனிவர்ஸுக்குள் வந்துள்ளது. இதனை தொடர்ந்து “விக்ரம்” திரைப்படத்தின் ரோலக்ஸ் கதாபாத்திரத்தை மட்டும் வைத்தே ஒரு திரைப்படம் LCU-ல் உருவாக உள்ளதாக கூறப்படுகிறது. அதற்கு முன்பாக “கைதி 2” திரைப்படமும் உருவாக உள்ளதாகவும் தகவல்கள் வருகின்றன.

அடுத்த படம் இதுதான்…
அதாவது லோகேஷ் கனகராஜ் தற்போது ரஜினிகாந்தை வைத்து “கூலி” திரைப்படத்தை இயக்கி வருகிறார். இத்திரைப்படத்திற்கு அடுத்தபடியாக அவர் ஒரு தெலுங்கு படத்தை இயக்கவுள்ளதாக கூறப்பட்டது. அத்திரைப்படத்தை மைத்ரி மூவி மேக்கர்ஸ் நிறுவனம் தயாரிக்கவுள்ளதாகவும் கூறப்பட்டது. எனினும் லோகேஷ் கனகராஜ் “கைதி 2” திரைப்படத்தையும் இயக்கவுள்ளதாக தகவல்கள் வெளிவந்தன.

ஆனால் தற்போது தெலுங்கு திரைப்படத்திற்காக வாங்கிய அட்வான்ஸை திருப்பிக்கொடுத்துவிட்டாராம் லோகேஷ் கனகராஜ். இதில் இருந்து “கூலி” திரைப்படத்தை தொடர்ந்து “கைதி 2” திரைப்படத்தை இயக்கும் பணிகள் தொடங்கப்பட உள்ளதாக தெரியவருகிறது.