தள்ளிப்போன விடாமுயற்சி
மகிழ்திருமேனி இயக்கத்தில் அஜித்குமார் நடித்துள்ள “விடாமுயற்சி” திரைப்படம் வருகிற பொங்கல் பண்டிகையை முன்னிட்டு வெளிவரும் என முதலில் அறிவிக்கப்பட்டிருந்தது. ஆனால் இத்திரைப்படத்தின் வெளியீடு தள்ளிப்போனதாக அறிவிக்கப்பட்டதை ஒட்டி ரசிகர்கள் மிகுந்த சோகத்தில் மூழ்கினார்கள்.

இன்ப அதிர்ச்சி
இந்த நிலையில் சோகத்தில் மூழ்கி கிடக்கும் அஜித் ரசிகர்களுக்கு உற்சாகமூட்டும் வகையில் “Good Bad Ugly” படக்குழுவினர் ஒரு முக்கிய அறிவிப்பை வெளியிட்டுள்ளனர். அதாவது “Good Bad Ugly” திரைப்படம் வருகிற ஏப்ரல் மாதம் 10 ஆம் தேதி வெளிவரவுள்ளதாக அதிகாரப்பூர்வமாக அறிவிக்கப்பட்டுள்ளது. இதில் இருந்து இந்த வருடம் அஜித்திற்கு இரண்டு திரைப்படங்கள் வெளிவர உள்ளன.

“Good Bad Ugly” திரைப்படத்தை ஆதிக் ரவிச்சந்திரன் இயக்கியுள்ள நிலையில் ஜிவி பிரகாஷ் குமார் இத்திரைப்படத்திற்கு இசையமைத்து வருகிறார். இத்திரைப்படத்தை மைத்ரி மூவி மேக்கர்ஸ் நிறுவனம் தயாரித்துள்ளது.