இந்திய இயக்குனர்
அட்லீ தற்போது தமிழ் சினிமா மட்டுமல்லாது இந்திய சினிமாவின் மிக முக்கிய இயக்குனராக திகழ்ந்து வருகிறார். கடைசியாக ஷாருக்கானை வைத்து இவர் இயக்கிய “ஜவான்” திரைப்படம் ஷாருக்கானின் கெரியரிலேயே அதிக வசூல் செய்த திரைப்படமாக அமைந்தது.

சிறந்த நண்பர்கள்
தமிழ் சினிமாவின் முன்னணி கதாநாயகனாக வலம் வரும் சிவகார்த்திகேயனும் இயக்குனர் அட்லீயும் பல காலமாக நண்பர்களாக திகழ்ந்து வருபவர்கள். அட்லீ தனது முதல் திரைப்படமான “ராஜா ராணி” திரைப்படத்தை இயக்குவதற்கு முன்பு அவர் இயக்கிய “முகப்புத்தகம்” என்ற குறும்படத்தில் சிவகார்த்திகேயனே ஹீரோவாக நடித்திருந்தார். ஆனால் இதுவரை அட்லீ சிவகார்த்திகேயனை வைத்து எந்த திரைப்படத்தையும் இயக்கியதில்லை.

அட்லீயுடன் சிவகார்த்திகேயன்…
இந்த நிலையில் தற்போது ஒரு ஆச்சரிய தகவல் ஒன்று வெளிவந்துள்ளது. அதாவது அட்லீக்கும் சிவகார்த்திகேயனுக்கும் இடையே சில நாட்களுக்கு முன்பு புதிய படத்தை இயக்குவது குறித்தான சந்திப்பு நிகழ்ந்துள்ளதாம். அதன்படி அட்லீ தனது அடுத்த படத்தை சிவகார்த்திகேயனை வைத்து இயக்க வாய்ப்புள்ளதாக ஒரு தகவல் வெளியாகியுள்ளது.