கேம் சேஞ்சர் திரைப்படத்துக்கு முட்டுக்கட்டை போடும் லைகா? என்ன இப்படி ஆகிடுச்சு…

இந்தியன் 3

ஷங்கர் இயக்கத்தில் கமல்ஹாசன் நடிப்பில் கடந்த ஆண்டு வெளியான “இந்தியன் 2” திரைப்படம் ரசிகர்களிடையே சுமாரான வரவேற்பையே பெற்றது. இத்திரைப்படத்தை தயாரித்த லைகா நிறுவனத்திற்கு இத்திரைப்படத்தால் பல கோடி ரூபாய் நஷ்டம் ஏற்பட்டதாகவும் தகவல்கள் வெளிவந்தன.

இதனை தொடர்ந்து “இந்தியன் 3” திரைப்படத்தின் பெரும்பாலான காட்சிகள் படமாக்கப்பட்டுள்ளது. “இந்தியன் 3” திரைப்படம் முதலில் ஓடிடியில் வெளிவரும் என தகவல் வெளிவந்தது. ஆனால் “இந்தியன் 3 திரைப்படம் திரையரங்கில்தான் வெளிவரும்” என ஷங்கர் அடித்து கூறினார்.

கேம் சேஞ்சருக்கு வந்த சிக்கல்

ஷங்கர், ராம் சரணை வைத்து இயக்கிய “கேம் சேஞ்சர்” திரைப்படம் வருகிற பொங்கல் பண்டிகையை முன்னிட்டு வெளிவரும் என அறிவிக்கப்பட்டுள்ளது. இந்த நிலையில் “இந்தியன் 3” திரைப்படத்தை முழுவதுமாக முடித்துக்கொடுக்க ஷங்கர் இன்னும் ரூ.65 கோடி பட்ஜெட் கேட்பதாகவும் “இந்தியன் 2” திரைப்படத்தால் பல கோடி ரூபாய் நஷ்டம் ஏற்பட்டத்தால் அவ்வளவு தொகையை கொடுக்க முடியாது எனவும் லைகா நிறுவனம் திரைத்துறை கூட்டமைப்பிடம் புகார் அளித்துள்ளது.

மேலும் “இந்தியன் 3 திரைப்படத்தை முடித்துக்கொடுக்காமல் கேம் சேஞ்சர் திரைப்படத்தை தமிழ்நாட்டில் வெளியிட கூடாது எனவும் அப்புகாரில் லைகா நிறுவனம் முறையிட்டுள்ளது குறிப்பிடத்தக்கது.

எல்லோரும் இணையும்போது பலம் கூடுது- ரம்யா கிருஷ்ணன், ஜோதிகா ஆகியோருடன் திரிஷா வெளியிட்ட உருக்கமான வீடியோ…