வீர தீர சூரன் திரைப்படத்திற்கு இடைக்கால தடை விதித்த நீதிமன்றம்! அப்படி என்னதான் பிரச்சனை?

முதலில் வெளியாகும் இரண்டாம் பாகம்

எஸ்.யு.அருண் குமார் இயக்கத்தில் சீயான் விக்ரம் நடிப்பில் உருவாகியுள்ள திரைப்படம் “வீர தீர சூரன் பார்ட் 2”. இத்திரைப்படத்தில் விக்ரமிற்கு ஜோடியாக துசாரா விஜயன் நடித்துள்ளார். மேலும் இவர்களுடந் எஸ்.ஜே.சூர்யா, சுராஜ் வெஞ்சரமுடு உள்ளிட்ட பலரும் நடித்துள்ளனர். 

இத்திரைப்படம் இரண்டு பாகங்களாக உருவாகியுள்ள நிலையில் இதன் இரண்டாம் பாகத்தை முதலில் வெளியிடுவதாக அறிவிப்பு வெளிவந்தது. அந்த வகையில் இத்திரைப்படம் மார்ச் 27 அன்று (இன்று) வெளியிடுவதாக அதிகாரப்பூர்வமாக அறிவித்தனர்.

திடீரென வந்த சிக்கல்

அதன்படி இன்று இத்திரைப்படம் வெளியாகும் என்று ஆவலோடு காத்துக்கொண்டிருந்தனர் ரசிகர்கள். ஆனால் திடீரென இத்திரைப்படத்தின் வெளியீட்டிற்கு சிக்கல் எழுந்துள்ளது. அதாவது இத்திரைப்படத்தை ரியா ஷிபு என்பவர் தயாரித்துள்ளார். இத்திரைப்படத்தில் B4U என்ற நிறுவனம் முதலீடு செய்துள்ளது.

அந்த பணத்தை திருப்பி கொடுப்பதற்குப் பதிலாக இத்திரைப்படத்தின் டிஜிட்டல் உரிமத்தை எழுதிகொடுத்துவிட்டார் தயாரிப்பாளர். ஆனால் இத்திரைப்படத்தின் ஓடிடி உரிமம் இன்னும் விற்கப்படாத நிலையில் இத்திரைப்படத்தின் வெளியீட்டை அறிவித்துவிட்டார் தயாரிப்பாளர்.

இந்த காரணத்தால் இத்திரைப்படத்தை ஓடிடியில் விற்கமுடியவில்லை. இதனால் தனது நிறுவனத்திற்கு 50% நஷ்ட ஈடு வழங்கவேண்டும் என டெல்லி உயர்நீதிமன்றத்தில் B4U நிறுவனம் வழக்கு தொடுத்தது. இந்த வழக்கை விசாரித்த நீதிமன்றம், இத்திரைப்படத்திற்கு இடைக்கால தடை விதித்து உத்தரவிட்டுள்ளதால் இன்று காலை 9 மணி காட்சி வெளியாவதில் சிக்கல் ஏற்பட்டுவிட்டது. அதுமட்டுமல்லாது நேற்று வெளிநாடுகளில் திரையிடுவதாக இருந்த பிரீமியர் காட்சிகளும் ரத்து செய்யப்பட்டன. இதனால் ரசிகர்கள் பெரிதும் ஏமாற்றம் அடைந்துள்ளனர். 

எல்லோரும் இணையும்போது பலம் கூடுது- ரம்யா கிருஷ்ணன், ஜோதிகா ஆகியோருடன் திரிஷா வெளியிட்ட உருக்கமான வீடியோ…