தளபதி இடத்தை பிடிச்சிடுவாரோ…? அள்ளி குவிக்கும் “அமரன்” – 5வது நாள் வசூல்!

வெங்கட் பிரபு இயக்கத்தில் விஜய் நடிப்பில் கடைசியாக வெளிவந்த திரைப்படம் தான் கோட் இந்த திரைப்படத்தில் நடிகர் சிவகார்த்திகேயன் கேமியோ ரோலில் நடித்து சென்றிருப்பார்.

ஒரு சிறிய காட்சி தான் என்றாலும் அந்த காட்சி மிகப்பெரிய அளவில் பேசு பொருளானது. காரணம் நடிகர் விஜய் தன் கையில் இருந்த துப்பாக்கியை சிவகார்த்திகேயன் அழைத்து அவரிடம் கொடுத்து விட்டு இந்த வேலையை நீ பார்த்துக்கொள் எனக் கூறி விட்டு செல்வார் .

அப்போது சிவகார்த்திகேயன் நீங்கள் இதைவிட ஏதோ முக்கியமான வேலைக்கு செல்வது போல் தெரிகிறது. எனவே இதை நான் பார்த்துக் கொள்கிறேன் என்று சிவாவும் வசனத்தை பேசிவிட்டு அவர் கையில் இருக்கும் துப்பாக்கி வாங்கிக்கொள்வார்.

இந்த வசனம் தான் மிகப்பெரிய அளவில் பேசு பொருளானது. காரணம் நடிகர் விஜய் அரசியலுக்கு போவதை மறைமுகமாக சொல்லிவிட்டு அடுத்த தளபதி சிவகார்த்திகேயன் என்பதைத்தான் அந்த வசனம் சித்தரிப்பதாக பலரும் கூறி வந்தார்கள் .

இப்படியான சமயத்தில் சிவகார்த்திகேயன் தான் அடுத்த தளபதி என்று பத்திரிகைகளில் செய்தி வெளியானது.

இந்த சமயத்தில் நடிகர் சிவகார்த்திகேயன் நடிப்பில் வெளிவந்திருக்கும் அமரன் திரைப்படமும் மாபெரும் வெற்றி திரைப்படமாக அமைந்துள்ளது .

ஆம் தொடர்ந்து அமரன் திரைப்படம் விமர்சன ரீதியாகவும் வசூல் ரீதியாகவும் மாபெரும் வெற்றி பெற்று வசூலில் மிகப்பெரிய சாதனை படைத்தது வருகிறது.

அதன்படி ஐந்தாவது நாள் வசூல் குறித்த விவரம் தற்போது கிடைத்திருக்கிறது. நேற்று ஒரு நாளில் மட்டுமே அமரன் திரைப்படம் கிட்டத்தட்ட ரூ.15 கோடி வசூல் ஈட்டி மாபெரும் சாதனை படைத்திருக்கிறது.

இதுவரை உலகம் முழுவதும் ரூ. 165 கோடி வசூலை அமரன் திரைப்படம் அசால்டாக அள்ளி உள்ளது. மிக விரைவில் தயாரிப்பு நிறுவனம் வசூல் குறித்த விவரம் அறிவிக்க இருக்கிறார்கள் .

போடப்பட்ட பட்ஜெட்டை காட்டிலும் பல மடங்கு லாபம் பார்த்ததால் பட குழு மிகுந்த மகிழ்ச்சியில் இருக்கிறார்கள் .

இது சிவகார்த்திகேயன் திரை வாழ்கையில் மிக முக்கியமான படமாக அமைந்திருக்கிறது. தொடர்ந்து இதே போல் அடுத்தடுத்து இரண்டு மூன்று வெற்றி படங்களை கொடுத்து விட்டால் சிவகார்த்திகேயன் தான் அடுத்த விஜய் இடத்திற்கு செல்வார் என திரைத்துறையினரே கணித்து விட்டார்கள்.

மோகன் லால் அரவணைப்பில் சினிமாவில் நுழைந்த நயன்தாரா – ஆதாரத்தை காட்டவா?