மருமகனை பட்டாசு வெடித்து வரவேற்ற சரத்குமார் – களைகட்டிய வரலக்ஷ்மியின் தல தீபாவளி!

வாரிசு நடிகையாக சினிமாவில் அறிமுகமாகி இருந்தாலும் தன்னுடைய தனி திறமையால் தொடர்ந்து முன்னணி நடிகை என்ற இடத்தை தக்க வைத்துக் கொண்டவர் தான் நடிகை வரலட்சுமி சரத்குமார். இவர் விக்னேஷ் சிவன் இயக்கத்தில் கடந்த 2022 ஆண்டு வெளிவந்த போடா போடி திரைப்படத்தில் நடிகர் சிம்புவுக்கு ஜோடியாக நடித்து சினிமாவில் அறிமுகமானார்.

திரைப்படங்களில் நடிப்பதற்கு இவரது தந்தையும் நடிகருமான சரத்குமார் சம்மதிக்கவே இல்லை. இருந்தாலும் தனக்கு மிகுந்த ஆர்வம் இருக்கிறது என தனது தாய் மற்றும் தன்னுடைய அப்பாவின் இரண்டாவது மனைவியான ராதிகா சரத்குமாரிடம் சொல்லி பின்னர் அப்பாவிடம் எடுத்துக் கூறி அப்பாவின் பர்மிஷன் வாங்கிய பிறகு வரலட்சுமி சரத்குமார் திரைப்படத்தில் நடிக்க வந்தார் .

தன்னுடைய திறமையை வெளிப்படுத்தி மிகச்சிறந்த நடிகையாக தமிழ் ரசிகர்களை ஈர்த்தார். முதல் படத்திலேயே நடனம், காதல், நடிப்பு உள்ளிட்ட அனைத்திலும் ரசிகர்கள் மனதை கொள்ளை அடித்த அவருக்கு அடுத்தடுத்து திரைப்பட வாய்ப்புகள் கிடைக்க துவங்கியது. சர்க்கார், சண்டக்கோழி 2, உள்ளிட்ட பல திரைப்படங்களில் இவர் நடித்திருக்கிறார் .

Also Read : ஒரு வேலை சாப்பிட்டிற்கே திண்டாட்டம் – குடிபோதைக்கு அடிமையான பிரபல நடிகை!

இதனிடையே ஹீரோயினாக நடித்து வந்தவர் திடீரென வில்லி கதாபாத்திரங்களை ஏற்று நடத்து அதிலும் அசத்தி இருந்தார். இந்த நிலையில் தான் நடிகை வரலட்சுமி திடீரென யாரும் எதிர்பார்க்காத நேரத்தில் மும்பை சேர்ந்த நிக்கோலாய் சத் தேவ் என்ற தொழில் அதிபரை காதலித்து பெற்றோர்கள் சம்மதத்துடன் திருமணம் செய்து கொண்டார் .

பல வருடங்களாக ரகசியமாக காதலித்து வந்த இந்த ஜோடி பின்னர் பிரமாண்டமாக திருமணம் செய்து கொண்டனர். வரலட்சுமியின் கணவர் நிக்கோலாய் சச்தேவ் ஏற்கனவே திருமணம் ஆகி விவாகரத்தானவர் என்பது குறிப்பிடத்தக்கது.

அவருக்கு ஒரு மகளும் இருக்கிறார். இந்த நிலையில் தற்போது சொல்ல வரும் தகவல் என்னவென்றால் நடிகை வரலட்சுமி சரத்குமாரின் தல தீபாவளி வெகு விமர்சையாக கொண்டாடி இருக்கிறார். புது மருமகனை பட்டாசு வெடித்து ஆரத்தி எடுத்து சரத்குமார் மற்றும் ராதிகா இருவரும் வரவேற்று தல தீபாவளியை குடும்பத்தோடு மிகச் சிறப்பாக கொண்டாடி உள்ளனர்.

மேலும் தன்னுடைய மகள் வரலட்சுமிக்கு தீபாவளி சீர் கொடுத்து அழகு பார்த்திருக்கிறார் சரத்குமார் மற்றும் வரலக்ஷ்மி. இந்த வீடியோக்கள் இணையத்தில் வெளியாக அனைவரது கவனத்தையும் ஈர்த்துள்ளது.இந்த புதுமண ஜோடிக்கு பலரும் தல தீபாவளி வாழ்த்துக்களை கூறி வருகிறார்கள்.

மோகன் லால் அரவணைப்பில் சினிமாவில் நுழைந்த நயன்தாரா – ஆதாரத்தை காட்டவா?